Gee nuwe lewe aan die dorpshuis, oupa se plaashuis, die werkershuisies of daai koel plekkie in die kloof. Maak dit netjies, sit dit op – en verhuur dit aan iemand wat droom om ten minste vir ’n rukkie in Rietbron te kan bly.

Maak jy boere-oondjies, kook boerseep, lê kwepers in of maak appelkooskonfyt? Bou jy meubels of handgemaakte items?
Ons help jou om dit aanlyn te sit – en te verkoop!

• Kilometers se droë riviersand – die quad-ryers smag daarna.

• Vee werk? Kyk hoe skeer ons merino skape of angora bokke, dip, kapaters maak – mense soek die kans om dit self te beleef.

• Klei lat, plaasdam-swem, perdry of ’n veldstap onder die sterre.

• Jag en die stilte van die Karoo.